Beschreibung:

Ich bin Dj sit 2 Jahr, am Afang hani das me zum Spass gmacht mit Kollege und han all die Grät au gar ned im Griff gha. Den hani aber immer me güebt 1 Stund Musig z mixe ohni Unterbruch. Das isch dete na zimmlich herte und gnadelose Berliner Techno gsi uf 130 Beats pro Minute, aso zimli schnell. Nacheme halbe Jahr isch mer das aber verleidet und ich han agfange minimali elektronischi musig z kaufe und zememixe. Mit dere bini aber immernonig zfride gsi, will mers efach überal ghört het. Also hani agfange Minimal mit Progressiv House z mixe. Das isch e chli melodiöser und wird au weniger gspillt. De Mix us dene 2 Richtige gfallt mer sehr guet und darum blibe vorerst mal bi dem. Im Winter 09/10 isch Miau Studio uf MaXXXimal troffe und mer hend chlineri Partys organisiert imene underground Club namens Superzero. Ich han dete mit mine Jungs vo Miau Studio ufgleit und die Events sind sehr guet gloffe darum hemmer welle chli grösser ga. Jetzt machemer Partys im Club Q oder Papiersaal Sihlcity und hend Headliners buecht wie zum Bispil Radio Slave vo London.